“Адал азамат” біртұтас тәрбие бағдарламасы аясында ұстаздар күнінде мектебіміздің дене шынықтыру пәнінің мұғалімі Садуев Сеймбай Елікбайұлы ҚР спорт және туризім министірлігінің арнайы ”Құрметті спорт қызметкері “ төсбелгісімен марапатталды. Ұстазымызға толағай табыстары көп болсын деген тілегіміз бар.
Жаңалықтар
11 қазан елімізде экологиялық мәдениетті қалыптастыру және туған жерге деген сүйіспеншілікті арттыру мақсатында «Таза Қазақстан» жалпыұлттық акциясы аясында кең көлемді сенбілік ұйымдастырылды.
Президентіміздің бастамасымен қолға алынған «Таза Қазақстан» акциясы — тек тазалық жұмысы емес, ел болашағына бағытталған үлкен экологиялық мәдениет мектебі.
Бұл игі іс-шараға ұжым қызметкерлері, өз аумақтарын, көше мен саябақ маңын тазартуға атсалысты. Сенбілік барысында қоқыс жиналып, қураған ағаштар алынып абаттандыру жұмыстары жүргізілді. Ауа райының суықтығына тонған ұжымға жылулық сыйлап ыстық шай ұйымдастырылды.
Мектеп ұжымы сенбілікке жоғары белсенділік танытып, барлығы бір кісідей атсалысты. Осындай іс-шаралар арқылы туған өлкесіне деген сүйіспеншілікті іспен дәлелдеп, ел болашағына үлес қосып келеді.
Бірліктің, еңбектің және табиғатқа деген құрметтің белгісі болған бұл сенбілік — әр азаматтың экологиялық жауапкершілігін арттырудың жарқын үлгісі болды.
Адал азамат біртұтас тәрбие жоспарына сәйкес “Даналық ұстаздан” челленджі аясында мектебімізде 2025 жылдың 24 қыркүйегінде ардагер ұстаздарды дәріптеп, құрметтеу мақсатында «Кәсіптік бағдар» беруші педагог М.Б. Нуртаеваның ұйымдастыруымен «Ардагер ұстаз-ұлт қазынасы» тақырыбында 9 сыныптың қатысуымен ардагер ұстаздармен дөңгелек үстел өтті.
Әрбір адам болашағының бақытты, келешегінің кемел болуы үшін сапалы білім мен тәлім-тәрбие беріп, тәуелсіз еліміздің болашағы – өскелең ұрпақты бәсекеге қабілетті етіп тәрбиелеуде мұғалімнің орны ерекше. Дөңгелек үстел өткізудің басты мақсаты мектеп тарихымен, зейнеткер ұстаздардың еңбек жолымен таныстыра отырып, мамандықты дұрыс таңдау.
“Адал азамат “ біртұтас тәрбие бағдарламасы аясында 2025-2026 оқу жылында Кәсіптік бағдар беру мақсатында Благовещенка жалпы орта білім беретін мектебі “Атамекен-Агро” ұйымымен меморандумға тұрған болатын. Еңбекқорлық және кәсібибілік айында және Еңбек күніне орай мектеп оқушыларын егін шаруашылығымын таныстыру үшін ұйымның жұмыс орындарына барып қойма, әртүлі техникаларды, авто-тұрақтарын көріп, таныс емес мамандықтар жайында жаңа ақпарат алып, ауыл шаруашылығының жұмысы жайында тереңірек мәлімметтер алды.
25 қыркүйек мектебімізде директор жанында отырыс болды. Күн тәртібінде: Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына жолдауы туралы мектеп директоры Бекенова Ж.Б. баяндады. Жолдауда білім сапасын арттыру, цифрлық технологиялар мен жасанды интеллектті енгізу мәселесіне ерекше назар аударылғанын айтты. Бұл — мектеп оқушыларының заманауи білімге қол жеткізуін қамтамасыз ететін қадам. Әсіресе ауыл мектептерін жаңа технологиялармен жабдықтау туралы бастама біз үшін аса маңызды. Екінші сөзді директордың тәрбие орынбасары Калабаева А.Е. «Адал азамат» біртұтас тәрбие бағдарламасы туралы құндылықтары мен жобалары толық ақпарат берді. Кейін жүйелік әкімші Исмагзумова Ж. Е BilimClass жүйесінің өзгерістерімен таныстырды.
22 қыркүйек “Адал азамат “біртұтас тәрбие аясында еңбекқорлық және кәсіби біліктілік айында және Еңбек күні қарсаңына орай 1-5 “ Еңбекқорлық табыс кілті” және 6-11 сыныптарда “Болашақ маман иесі бүгінгі оқушы “ тақырыптарында сынып сағаттары мен қауіпсіз сағаттары өтті. Ең бастысы әр дүйсенбі сайын әнұран орындалады.
17 қыркүйек Адал азамат -біртұтас тәрбие бағдарламасы және Таза Қазақстан акциясы аясында мектебізде Экология фракциясының ұйысдастыруымен Ардагер ұстазлардың аллеясы атты челлендж ұйымдастырылды. Челленджге 2026 түлектер мен Ардагер ұстаздарымыз Рамазанов А.Ж. Идрисова Г. Т. Каменова А.Қ. қатысты. Мектеп ауласына 5 тал шырша ағашы егілді.
Бүгін мектебімізде Қазақстан халқы тілдері күніне орай «Мемлекеттік тіл – менің тілім» атты онкүндіктің салтанатты ашылуы өтті.
Ашылу барысында оқушыларымыз күй тартып, би билеп, өнерлерін көрсетіп, көпшілікке көтеріңкі көңіл-күй сыйлады.
Сонымен қатар апталықтың жоспарымен таныстырылып, алдағы іс-шаралардың мазмұны айтылды.Осы онкүндік оқушыларға тілге деген сүйіспеншілікті арттырып, ұлттық құндылықтарды қастерлеуге ықпал етеді деп сенеміз! 
2 қыркүйек оқушыларымызбен сынып сағаттарынын алдында сергіту сәті өткізілді. Жас ерекшеліктеріне байланысты дене шынықтыру ұстаздары үш топқа бөліп өткізді. Бұл сергіту сәтін әр сейсенбі сайын өткізу жоспарланды.
