Жаңалықтар
Мектебімізде мемлекеттік көрсетілетін қызметтердің орындалу барысы бойынша есептік жиналыс өткізілді.
Жиналыс барысында мектеп тарапынан көрсетілетін мемлекеттік қызмет түрлері, оларды ұсыну тәртібі және қызмет алушыларға қолайлы жағдай жасау мәселелері қарастырылды.
2025 жылы мектепте келесі мемлекеттік қызметтер көрсетілді:
- Бірінші сыныпқа құжат қабылдау;
- Басқа білім беру ұйымдарынан оқушыларды қабылдау және ауыстыру;
- Оқудан шығару туралы құжаттарды рәсімдеу;
- Оқушыларға анықтамалар беру;
- Білім алушылардың құжаттарын рәсімдеуге байланысты өзге де мемлекеттік қызметтер.
Жыл қорытындысы бойынша мемлекеттік қызметтер белгіленген мерзімде және қолданыстағы нормативтік-құқықтық актілер талаптарына сәйкес көрсетілді. Қызмет алушылар тарапынан түскен өтініштер мен шағымдар қаралып, тиісті жұмыстар жүргізілді.
Жиналыс соңында мемлекеттік қызметтердің сапасын одан әрі арттыру және қызмет алушыларға қолайлы жағдай жасау бағытындағы жұмыстарды жалғастыру туралы шешім қабылданды.
2_thumbnail.jpeg)
Мақсаты:
▪️Ата-аналарға мереке және демалыс күндері балалардың күн тәртібін сақтаудың маңыздылығын жан-жақты түсіндіру; баланың денсаулығын нығайту, эмоционалдық көңіл-күйін тұрақтандыру, тәртіп пен жауапкершілік дағдыларын қалыптастыруда режимнің ерекше рөл атқаратынын көрсету. Сонымен қатар ата-аналарға үй жағдайында баланың ұйқы режимін, дұрыс тамақтануын, таза ауадағы серуенін, белсенді демалысын және экран уақытын тиімді ұйымдастыру бойынша нақты педагогикалық-психологиялық кеңестер беру.
Міндеттері:
▪️Баланың күн тәртібін сақтаудың денсаулыққа пайдасын түсіндіру;
▪️Демалыс уақытында баланың белсенді және пайдалы іс-әрекетпен айналысуына бағыт беру;
Ұйқы мен тамақтану тәртібінің бұзылуының алдын алу;
▪️Отбасындағы жағымды психологиялық ахуалды қалыптастыруға ықпал ету;
▪️Ата-аналардың бала тәрбиесіндегі жауапкершілігін арттыру.
Ата-аналарға кеңес:
▪️Баланың ұйқыға жату және ояну уақытын мүмкіндігінше бірқалыпты сақтау;
▪️Күнделікті таза ауада серуендеуді ұйымдастыру;
▪️Телефон, планшет, теледидар қарау уақытын шектеу;
▪️Отбасылық ойындар, кітап оқу, шығармашылық жұмыстарға уақыт бөлу;
▪️Дұрыс әрі уақытылы тамақтану тәртібін қадағалау;
▪️Баламен көбірек қарым-қатынас жасап, жағымды эмоциялық орта қалыптастыру.
Күтілетін нәтиже:
▪️Ата-аналар мереке және демалыс кезеңінде баланың күн тәртібін сақтаудың маңызын түсінеді, үй жағдайында тиімді әрі пайдалы демалыс ұйымдастыру жолдарын меңгереді және баланың денсаулығы мен психологиялық жай-күйіне жауапкершілікпен қарайды.
Кеңес беруші: Әдіскер Елюбаева А. Н
Өткізілген уақыты: 01.04.2026 ж
Өрт қауіпсіздігін сақтау – әр адамның міндеті. Мектепте және үйде сіріңке, оттық, электр құралдарын абайлап пайдалану қажет. Оқушыларға электр құрылғыларын рұқсатсыз қосуға және ашық отпен ойнауға болмайды.
Өрт болған жағдайда 101 нөміріне хабарласып, үлкендерге айту және қауіпсіз жерге шығу керек.
Өрттің алдын алу – өмірді сақтаудың ең маңызды жолы.
Интернет қауіпсіздігі – әр адамның жеке мәліметтері мен өмірін қорғаудың маңызды шарты. Оқушылар интернетті дұрыс және қауіпсіз пайдалануы керек. Бейтаныс адамдарға жеке ақпаратты, құпиясөзді, мекенжайды немесе телефон нөмірін беруге болмайды. Күмәнді сілтемелерге кірмеу, белгісіз файлдарды жүктемеу қажет. Әлеуметтік желілерде мәдениетті қарым-қатынас жасап, жалған ақпаратқа сенбеу маңызды. Интернеттегі қауіпсіздік ережелерін сақтау – өзіңді қорғаудың ең тиімді жолы.
🌞 НАЗАР АУДАРЫҢЫЗДАР! 🌞
Мектеп жанындағы жазғы лагерь өз жұмысын бастайды!
Балаларды қызықты демалыс, көңілді ойындар, спорттық сайыстар, шығармашылық жұмыстар мен достық атмосфера күтеді! 🎨⚽🎤
📅 Өтетін күні: 1 - 30 маусым аралығында
📍 Өтетін уақыты: 10:00 - 12:30
Жол қауіпсіздігі – адам өмірін сақтаудың маңызды шарты. Оқушылар жолдан тек жаяу жүргіншілер өткелі арқылы, бағдаршамның жасыл түсі жанғанда ғана өтуі керек. Жолда ойнауға, жүгіріп өтуге және телефонға алаңдауға болмайды. Қоғамдық көлікке тек толық тоқтағаннан кейін мініп-түсу қажет. Жол ережесін сақтау – өз өміріңді қорғау.
Мектебіміздің 6 «Ә» сынып оқушыларын география пәнінің мұғалімі, «Туризм» үйірмесінің жетекшісі А.Қ. Нуртаев пен сынып жетекшісі А.А. Бейсенбинаның ұйымдастыруымен оқушылар облыс орталығы Петропавл қаласына танымдық экскурсияға барды. 
Сапар барысында оқушылар:
«Абылай хан резиденциясы» музей кешенінде болып, ұлы ханның өмірі мен тарихына қанықты. «Арт Ботай» галереясын аралап, ежелгі Ботай мәдениеті мен өнер туындыларымен танысты.Мұндай шаралар оқушылардың туған өлке тарихына деген сүйіспеншілігін арттырып, отансүйгіштікке тәрбиелейді. Саяхат өте әсерлі әрі қызықты өтті!
Бүгін біздің мектептің білімді де алғыр оқушылары кезекті жеңістерімен қуантты! «ДЕМЕУ» балалық шақ мәселелерін үйлестіру орталығының ұйымдастыруымен өткен «Сыбайлас жемқорлыққа жол бермеңіз» атты «BRAIN GAME» зияткерлік ойынында мектебіміздің командалары үздік нәтиже көрсетті.
Тартысты өткен додаға жалпы саны 5 команда қатысты. Оның ішінде Благовещенка ЖОББ мектебінен 3 команда бақ сынап, жүлделі орындарды иеленді:
1-орын: «Бірлік» командасы — тамаша дайындық пен топтық жұмыстың арқасында бас жүлдені жеңіп алды!
3-орын: “Антикор” командасы жүлделі үшінші орынға табан тіреді.Ойын барысында оқушылар сыбайлас жемқорлыққа қарсы мәдениет, құқықтық сауаттылық және логикалық тапсырмалар бойынша өз білімдерін дәлелдеп шықты.
Бүгін мектебімізде «Адал азамат» біртұтас тәрбие бағдарламасы аясында кезекті салтанатты жиын ұйымдастырылды. Мемлекеттік Гимнді орындаумен басталып, ерекше рухта жалғасты.
Жиын барысында:
• Қоғамдық жұмыстарда белсенділік танытқан оқушылар;
• Спорттық додаларда мектеп намысын қорғап жүрген спортшылар;
Шәкірттеріміздің жетістігі — мектебіміздің мерейі! Жарқын болашаққа бастар жолда сәттілік тілейміз!
Марапаттау рәсімінен кейін жоспар бойынша өткізілетін сынып сағаттарымен жалғасын тапты.
Марапаттау рәсімінен кейін жоспар бойынша өткізілетін сынып сағаттарымен жалғасын тапты.
Көктем мезгілінде өзен-көлдердегі мұз еріп, су айдындары өте қауіпті болады. Жұқа мұздың үстіне шығуға болмайды, себебі ол кез келген сәтте сынып кетуі мүмкін. Балалар өзен, көл жағасына үлкендердің қарауынсыз бармауы керек. Мұз үстінде ойнау, жүгіру және сырғанау өте қауіпті. Су айдындарындағы қауіпсіздік ережелерін сақтау – адам өмірін қорғаудың маңызды шарты
